Sumaq Kawsay - Conseptos del Buen Vivir

Sumaq Kawsay - Sumaq Kausay - Sumaq Qamaña -  Vivir Bien - Buen Vivir

Kay qhawana “Sumaq Kawsay”, teqsipakun, runa- pacha kawsaymasiypi; jinallataq kayqa reqsipachin qipamanta kaykama puriyta, jina jatarintaq pachamamawan runa mana allin puriqtin; kayqa nin, imaqtin runawan-pachawan manañan masichakunchu, aswantaq masichakunshan runa-runallawan.

Mamapachapiqa, paypin qallarin ima kawsayqa; chayrayku kamachakuspa t’ikrananchis kashan, kay runawan-pachawan millay apakuyta, kaymi aswan sumaq t’akyachinapaq kashan, ari ima muyurispa jina kawsananchispaq. Mamapachan mañakushan kayta; qhaparishantaq mamapachanchis kikin ukhu wiksanmanta, jina willawashanchistaq imaynan ñak’arisun sichus kikin kaq puriyninchiswan pusisun chayqa, ari kay millay kawsamasisqanchismi jark’awashanchis chay qhapariy chay willay uyarinanchista qawarinanchista.
Kay llaqtakunapin runa kawsan, chayrayku kanmanpuni kallpa kamachiy, lliw runakuna mamapachata amachananpaq. Kay pachaqa, kawsayninchisqa allin ñanman churanapaqmi kashan, ichaqa mana jawantinllapichu aswan ukhuntinta t’ikrasunman.

Kay kamana Sumaq Kawsay sutichasqaqa, jatarin jina kay llaqtakunapi kawsay t’ikranapaq, ari, ñawpa llaqtakunaq, pachanmanta yachay jatarisqankuta qhawarichispa, occidente juqnirar kawsay mamapacha waqllichisqanta  thaniyachinapaq, ari ñawpa ayllukunaq kawsaynin kamayninwan, imayna runa kawsay sumaq kawsaypi purikuran chaywan. Ari qhawanapaqqa ñawpa ayllukunaqa muyurispa jina kawsakuranku tukuy ima uywawanpas ima qhorawanpas, unuwanpas, allpawanpas, samana wayrawanpas, ari yachanapaqqa tukuy kawsayqa muyurispa jina sapanka kawsaqmasikunawan rimapakunku yanapakunku amachakunku imapipas kawsapakunku ima.

Nota: la ortografía está en manera que se usa en quechua boliviano
25 postulados para entender el Vivir Bien